EU er den største handelspartnaren til Noreg på landbruksvarer. Importen frå EU var 71,9 milliardar i fjor, og det utgjorde 61 % av importverdien. Den norske eksporten til EU var på 9,9 milliardar kroner, som utgjorde 53 % av eksportverdien. Det norske handelsunderskotet på landbruksvarer var 99,4 milliardar i 2024. Ser ein på handelen i volum, auka importvolumet òg. Etter ein reduksjon i importvolumet i 2022 og 2023, auka det att i 2024, med 6 % frå 2023 til 2024. Det norske eksportvolum auka med 5 % frå 2023 til 2024.
(AgriAnalyse/Landbruksdirektoratet/SSB (2025). Basert på utanrikshandelen frå SSB med varer, etter varenummer (HS)).